Ben-Gvirdan skandal süzlär

İzrailneñ çiktän tış uñçı Milli qurqınıçsızlıq ministrı İtamar Ben-Gvir izraillelärgä höcüm itkän fälästinlelärne êlektrlı urındıkta ülem cäzasına tartu kiräklegen belderde.

İzrailneñ “Kanal 13” televideniyese xäbärenä kürä Ben-Gvir çiktän tış uñçı Yähüd Köçe partiyaseneñ cıyılışında fälästinlelärgä yanadı.

Yawlaw astındağı Könçığış Qudüs-Yerusalimdä üzänlegendä izraillelärgä qarşı oyıştırılğan höcümnärgä işarät itkän Ben-Gvir: “Ozaqlamıy ülem cäzasın çığaraçaqbız. Watandaşlarnı üterüçelär êlektrlı urındıqta ülem cäzasına tartılırğa tiyeş,” – dide.

KAN oyışması beldergänçä Ben-Gvir fälästinlelärneñ öylären cimerergä däwam itäçäklären äytte.

Ministrnıñ kiçä Könçığış Qudüs-Yerusalimdä fälästinlelärneñ 14 öyen cimerergä quşuı citkerelde.