Kongodağı bäreleşlärdä 6 atnada tınıç xalıqtan 200 dän artıq keşeneñ ğomere özelgän

Kongo demokratik cömhüriyätendäge bäreleşlär arqasında soñğı 6 atnada tınıç xalıqtan 200 dän artıq keşeneñ ğomere özelgän.

Bu xaqta Berläşkän Millätlär Oyışmasınıñ qaçaqlar yuğarı komissariatı wäkile Êvjin Byun belderä.

Ul tınıç xalıqqa höcümnärneñ qorallı törkemnär tarafınnan yasalğanın iskärtep, höcümnärneñ ayıruça İturi häm Tön’yaq Kivu töbäklärendä artuın citkerä.

Byun äytüençä, höcümnärdä 2 meñläp yort cimerelgän, 80 mäktäp yabılğan.

Uzğan yıldan birle 500 meñ keşe bäreleşlär arqasında töbäktän küçenergä mäcbür bulğan.