Trans maylar ülem riskın arttıra

Dön’yada yaqınça 5 milliard keşeneñ zararlı trans maylardan saqlanmawı, monıñ yöräk awıruları häm ülem riskın arttıruı açıqlandı.

Bötendön’ya sälamätlek saqlaw oyışması xisabına kürä 43 il azıq-töleklärdäge trans maylar belän köräş öçen iñ yaxşı çaralarnı kürä, şunıñ öçen bar dön’yada 2,8 milliard keşe trans maylardan saqlandı.

Bu mäs’älädä täêmin itelgän alğarışlarğa qaramastan dön’yada 5 milliard keşe haman da trans maylarnıñ cimergeç êffektı riskı astında yäşi.

İndustrial’ bularaq citeşterelgän trans maylar ğomumän upakovkalı rizıqlar, on êşlänmäläre häm maylarda bar.

Xisapta qaraşlarına urın birelgän Bötendön’ya sälamätlek saqlaw oyışması mödire Tedros Adanom Gebreyesus trans maylarnıñ belenüçe faydası bulmawın, sälamätlek öçen riskları buluın äytte.

Trans may qullanu arqasında iñ küp koronar yöräk awıruınnan ülemnär terkälgän illär arasında Avstraliya, Azärbaycan, Butan, Êkvator, Misır, İran, Nepal, Paqıstan häm Kön’yaq Koreya urın ala.

Bötendön’ya sälamätlek saqlaw oyışması 2018 yılda industrial’ bularaq citeşterelüçe trans maylarnı bar dön’yada beterergä çaqırğan ide.