Perudağı çaralarda ülüçelär sanı arttı
Şaqtıy şähärdä uramnarğa ağılğan meñnärçä keşe iminlek köçläre belän bäreleşte
Peruda xökümätkä qarşı çaralarda ülüçelär sanı 60 buldı.
Peruda totrıqsızlıq däwam itä. Başqala Lima belän şaqtıy şähärdä uramnarğa ağılğan meñnärçä keşe iminlek köçläre belän bäreleşte.
Puno şähärendäge çaralarda tağın ber 1 keşeneñ yaqtı dön’yadan kitüe belän 11 dekabr’dan bügengä qadär ülüçelär sanı 60ka citte.
İminlek köçläre üzlärenä taş ırğıtqan protestçılarğa küzdän yäş’ kiterüçe gaz sibep cawap qaytardı, ike taraftan da küp kenä keşe yaralandı.
Limadağı San Markos Milli universitetın tank belän basqan poliŝiya 200 studentnı qulğa aldı.
Däwlät başlığı Dina Boluart 10 ğıynwarda rizasızlıq belderüçelärne tağın ber tapqır dialogka çaqırıp, çaralarnı beterüne soradı.
Waqıyğalar Perunıñ êlekke prezidentı Pedro Kastillonıñ 7 dekabr’dä Kongress tarafınnan wazifasınnan alınuınnan soñ başlanıp kitte.
