Höcümçe üze yäşägän fatir balkonınnan ut açqan
Waqıyğa Gruziyädä bulğan
1935631
Gruziyäneñ Sagaredjo şähärendä höcümçe fatir balkonınnan ut açqan.
Waqıyğada 5 keşe ğomeren yuğaltqan, 5 keşe yaralanğan.
Gruziya êçke êşlär ministrlığınıñ bu xaqtağı yazma belderüendä äytelgänçä, 49 yäş’lek höcümçe üze yäşägän fatir balkonınnan mıltıq belän ata häm anda 5 keşe, şul isäptän 1 poliśiya xezmätkäreneñ ğomere özelä, 5 keşe cäräxätlänä.
Qurqınıçsızlıq köçläre höcümçeneñ öyenä operaśiya oyıştıra, ämma ul poliśiya kilgänçe üz-üzenä qul sala.
Waqıyğa urınına barğan Gruziya êçke êşlär ministrı Vaxtang Gomelauri äytüençä, tınıç xalıqqa häm poliśiyägä ut açqan höcümçe 2006-2021 nçe yıllarda Gruziya Qorallı Köçlärendä xezmät itkän.
Höcüm belän bäyle tikşerü başlanğan.