Uzğan yıl dön'yada turist sanı arttı
Tik koronavirusqa qadärge rekord 1 milliard yarım turist sanına äle yıraq
1934306
Dön’yada 2022nçe yılda turist sanı 900 millionnan arttı. Bu koronavirus kizüennän aldağı kürsätkeçneñ 63%ı.
BMOnıñ Bötendön’ya turizm oyışması 2022nçe yılğı mäğ’lümatlar belän urtaqlaştı. Xisapta cir yözeneñ här poçmağında turist sanı artuı, yaqınça 1 milliard yarım belän rekord yasalğan 2019nçı yıl belän çağıştırğanda, 2022nçe yılda tarmaqnıñ 900 million belän 63%lıq ayaqqa basuı belderelä.
Yaqın Könçığış, mäsälän, koronavirusqa qadär bulğan sannarnıñ 83%ına ireşte häm 2019nçı yılğı kürsätkeçlärgä iñ nıq yaqınlaşqan region buldı.
Uzğan yıl turistlar iñ kübe Awrupağa kitkän - barlığı 585 million keşe. Region kizüdän aldağı sannarnıñ 80%ına ireşte.
Bu kürsätkeç Afrika häm Amerikada 68%, Aziyä häm Tın okeanda 23% däräcäsendä qaldı.