Êyfel’ manarasında - İrandağı ülem cäzalarına qarşı şiğar'lär

Franśiyäneñ başqalası Parijdağı tanılğan Êyfel’ manarasında “İranda ülem cäzaların tuqtatığız” şiğar’läre çağıldırıldı.

İranda Maxsa Amini protestlarında qatnaşuın säbäpçe itep ülem cäzasına xökem itelüçelär sanı torğan sayın arta. Parij mêriyäse iranlı demonstrantlarğa teläktäşlek, xökümätenä rizasızlıq belderde. Şähär xakimiyätennän citkerülärençä, Êyfel’ manarasına älege şiğar’lär İran xökümäte protestçılarnı ülemgä xökem itkän arada “bäysezlekläre öçen qıyu suğışuçılarnı iskä alu häm oppoziśiyägä teräk bulu maqsatı belän” çağıldırılğan.

Êyfel’ manarası qarşındağı Trokadero mäydanında cıyılğan iranlı oppoziśionerlar isä xökümätkä qarşı protestların däwam itte.

Parij mêrı Ann İdal’go ğomere özelgän Maxsa Aminigä oktyabr’dä şähärneñ maqtawlı watandaşlığın birde.

22 yäş’lek Maxsa Amini 2022nçe yılnıñ 13nçe sentyabrendä İranda “äxlaq poliśiyäse” bularaq ta bilgele İrşad patrul’läre tarafınnan saq astına alınğannan soñ xäle naçarayıp xastaxanägä salındı.16nçı sentyabr’dä anıñ ğomere özelde. Şunnan soñ İranda il idaräsenä qarşı protestlar başlandı.  

Rizasızlıq çaralarında qatnaşuları säbäple bügengä qadär 22 keşe ülem cäzasına xökem itelde, alarnıñ 4seneñ cäzası başqarıldı.