Boko Xaramğa qarşı operaśiyädä 40 keşe üterelde
Alar arasında terrorçı oyışmanıñ küptän êzläwdä bulğan 2 atamanı da bar
Nigeriyada Boko Xaram terrorçı oyışmasına qarşı operaśiyädä kimendä 40 keşe üterelde. Şul isäptän, oyışmanıñ 2 atamanı da.
Cirle matbuğattağı xäbärlärgä qarağanda, Boko Xaram oyışmasına qarşı hawa operaśiyäse Niger töbägendä uza. İnde küptän êzläwdä bulğan häm xäräkät waqıtında üterelgän terrorçı liderlarnıñ isemnäre Abu Ubayda häm Mallam Yusuf Abba ikäne belderelde.
Nigeriyada 2000nçe yıllarnıñ başında kürengän Boko Xaram 2009nçı yıldan başlap massaküläm terrorçı höcümnäre oyıştıra. Anda 20 meñnän artıq keşeneñ hälaq buluı belderelä.
Terrorçı oyışma 2015nçe yıldan ilneñ çik buyı kürşeläre Kamerun, Çad häm Nigerda da höcümnär yasıy başladı. Çad küle basseynındağı terraktlarda kimendä 2 meñ keşeneñ ğomere özelde.
Nigeriyada terrorçı höcümnäre häm bäreleşlär arqasında 100 meñnärçä keşe küçenep kitärgä mäcbür buldı.
