Äkbärineñ ülem cäzası rizasızlıq uyattı

Awrupa Berlege İranda Angliyä öçen şımçılıq itüdä ğayeplänep ülem cäzasına xökem itelgän êlekkege saqlanu ministrı urınbasarı Ali Rıza Äkbärineñ xökem qararı ğamälgä aşırıluın köçle räweştä ğayepläde.

Awrupa Berlege şurasınnan yasalğan belderüdä ülem cäzasına barlıq şartlarda qarşı buluları aszzıqlana. Anda Äkbärineñ ğailäseneñ qayğısı urtaqlaşıla. Bilgele bulğança, älege şäxes ber ük waqıtta İran häm Angliyä watandaşı ide.

“Awrupa watandaşınıñ ülem cäzası Awrupa Berlege tarafınnan yaqınnan küzäteläçäk qurqınıç oçraq” diyelä belderüdä. Anda İrannı kiläse ülem cazäların başqarudan tayçınırğa häm mondıy cäzalarnı beterügä yünälgän totrıqlı säyäsät alıp barırğa çaqıralar.  

Ali Rıza Äkbärineñ ülem cäzası comğa könne başqarıldı. Ul il turındağı yäşeren mäğ’lümatlarnı Angliyägä citkerüdä ğayeplände.