Êş taşlaw çaraları däwam itä
Angliyädä,İspaniyädä,AQŞta däwlät xezmätkärläre xezmät xaqın arttırunı, êş şartların yaxşırtunı taläp itälär
Angliyädä kön sayın törle hönär iyäläre êş taşlıy.
Ênergiya çığımnarı artu häm inflyaśiya kütärelü säbäple ildä êş taşlaw çaraları däwam itä.
Timer yul êşçeläre häm avtobus yörtüçelär tağın zabastovkada. 1 nçe fevral’dä yaqınça 100 meñ däwlät xezmätkäreneñ êş taşlayaçağı iğ’lan itelde.
Däwlät xezmätkärläre xezmät xaqın arttırunı, êş şartların yaxşırtunı taläp itälär.
İspaniya başqalası Madridta ğailä häm aşığıç yärdäm tabibları 21 nçe noyabr’dä başlatqan êş taşlaw çarasın Raştua çorında tuqtatıp torğannan soñ bügen qabat däwam itterdelär.
Amerika Quşma Ştatlarınıñ N’yu-York şähärendä şäfqät’ tutaşları da zabastovkada.
İke zur sälamätlek saqlaw oyışmasında êşläwçe 7 meñnän artıq şäfqät’ tutaşı häm mediśina xezmätkäre uzğan kön êş taşladılar.
Zabastovkalarnıñ öçençe könendä protest çarası da uzdı.
Sälamätlek saqlaw xezmätkärläre xastaxanälärdä personal qıtlığın çişü häm xezmät xaqın yaxşırtunı taläp itälär.
