Angliyädä ber tapqır qullanıla torğan plastik êşlänmälär tıyıla
Ul äylänä-tirä moxitneñ pıçranuın kimetü maqsatınnan çığıp êşlänä
Angliyädä äylänä-tirä moxitneñ pıçranuın kimetü maqsatınnan ber tapqır qullanıla torğan aşaw plastikları tıyılaçaq.
Cirle massaküläm mäğ’lümat çaraları xäbär itkänçä, Êkologiya,azıq-tölek häm awıl êşläre ministrlığı Angliyädä plastik çäneçke,pıçaq häm tälinkä kebek ber tapqır qullanıla torğan plastik tovarlarnı tıyunı raslağan.
Läkin bu tıyu supermarketlarda yäki kibetlärdäge mondıy êşlänmälärgä qağılmıy.
Angliya êkologiya ministrı Terez Koffi yaqın könnärdä tıyunıñ qayçan köçenä keräçäge turında belderü yasar dip kötelä.
Şundıy uq tıyular Şotlandiyädä dä ğamälgä aşırıla, Angliyädä ber tapqır qullanıla torğan mamıq tayaqçıqlar, plastik mikser häm plastik pipetkalar 2020 nçe yılda tıyılğan ide.
Şotlandiya 2022 nçe yılnıñ iyünendä mondıy plastik êşlänmälär qullanğan predpriyatiyelärgä tıyu kertte, şul uq qanun 2022 nçe yılnıñ dekabrendä Uêl’sta da qabul itelde.
Mäğ’lümatlar kürsätkänçä, Angliyädä yıl sayın yaqınça 1 milliardtan artıq plastik tälinkälär häm 4 milliard 25 million çäneçke, pıçaq qulllanıla, şularnıñ 10%ı ğına qullanılğannan soñ kire êşkärtelä.
