Angliyä iyärçen cibärä almadı
İlneñ Cir orbitasına iyärçen cibärü êşe uñışsız kilep çıqtı
1930275
Angliyä territoriyäsennän orbitağa berençe yasalma iyärçen cibärü tırışlıqları uñışsız buldı.
“Virgin Orbit” şirkäteneñ raketa yörtüçe Boeing 747 törendäge oçqıçı Angliyäneñ kön’yaq-könbatışındağı Kornoulldan kütärelde. Raketa Atlantik okean östendä oçqıçtan ayırıldı häm qabındı.
Tik şirkät bu turıda Twitterda yasağan belderüendä raketanıñ orbitağa barıp citüenä qomaçawlağan anomaliyä buluın citkerde. Oçqıç isä planlaştırılğança Kornoullğa kire qayttı.
Missiyä uñışlı barıp çıqsa, Angliyä Cirneñ orbitasına ğaläm apparatı cibärgän 9 ildän berse bulası ide.
