BMO wäqalätlese Talibannıñ xatın - qızlarğa qarata çikläwlären beterergä çaqırdı
BMOnıñ Äfganstandağı yärdäm missiyäse:" Talibannıñ xatın-qızlarğa belem birüne häm alarnıñ yärdäm oyışmalarında êşläwen tıyuı barlıq äfgannarğa zıyan kiteräçäk”
Äfanstandağı oçraşuların däwam itüçe Berläşkän Millätlär Oyışmasınıñ Äfganstan maxsus wäkile urınbasarı häm BMOnıñ Äfganstandağı yärdäm missiyäse başlığı wäkile Markus Potzel’ Taliban xakimiyätennän qızlarnıñ belem aluı häm xatın –qızlarnıñ êşläwlärenä qarata bulğan çikläwlärne beterüne soradı.
Potzel’ Äfganstandağı oçraşuları qısalarında Taliban waqıtlıça xökümäteneñ yuğarı belem birü ministrı wäkile Nida Möxämmäd Nedim belän küreşep söyläşte.
BMOnıñ Äfganstandağı yärdäm missiyäseneñ sośial’ media akkauntındağı belderüdä Potzel’neñ älege ölkälärdäge çikläwlärne tiz arada ğamäldän çığarunı sorawı citkerelde.
”Äfganstan yaña krizis çorına kerä. Talibannıñ xatın-qızlarğa belem birüne häm alarnıñ yärdäm oyışmalarında êşläwen tıyuı barlıq äfgannarğa zıyan kiteräçäk” diyelä belderüdä.
Dekabr’ axırında Taliban xakimiyäte yuğarı uqu yortlarında qızlarnıñ belem aluın häm xatın-qızlarnıñ cirle häm çit il ictimaği oyışmalarında êşläwen tuqtattı.
Talibannıñ bu adımı ildä dä, xalıqara cämäğät’çelektä dä zur reakśiya tudırdı.
Xatın - qızlarnıñ ictimaği oyışmalarda êşläwe afgan xalqına yärdäm ireşterü yağınnan zur ähämiyätkä iyä.
