AQŞta qar buranı xaoska kiterde

Amerika Quşma Ştatlarında uzğan atnada küzätelgän qar buranınnan soñ ğamäldän çığarılğan reys xaosı däwam itä.

10 meñnärçä yulçınıñ oçqıç säfären ğamnäldän çığarğan Southwest Airlines şirkäte bügen dä 2357 reysnı beterde.

FlightAware säxifäsenä kürä Amerika Quşma Ştatlarında bügen ğamäldän çığarılğan 2451 oçqıç säfäreneñ 2357ese Southwest Airlinesnıñ reysları ide.

Dallas ştatında urnaşqan hawa yulı şirkäte naçar hawa şartlarında oçqıç törkemnären poziŝiyadan çığara alaçaq citärsez operativ texnikağa iyä buluın açıqlap, reyslarnı beterergä däwam itäçäge turında kisätte.

Qar buranınnan bügengä qadär oçış planın tuparlıy almağan berdänber aviaŝiya şirkäte bulğan Southwest yulçılar häm räsmi zatlar tarafınnan tänqıyt’lände.

AQŞnıñ Transport ministrı Pete Buttigieg CNNğa yasağan açıqlawında reyslarnı ğamäldän çığaruda Southwest Airlinesnı cawaplı totaçağın belderep: “Southwest üz yulçıları häm bagajları tügel, üz êkipajınıñ da qayda buluın bilgeli almıy. Sistemaları çınnan da watıldı,” – dide.

Southwest Airlinesnıñ yuğarı däräcäle citäkçese Bob Jordan da urtaqlaşqan video yazmada barlıqqa kilgän citeşsezleklär öçen yulçılardan häm xezmätkärlärdän ğafu ütengän ide.

Federal’ xökümät tarafınnan 10 meñnän artıq oçqıç säfäre ğamäldän çığarılğan Southwest Airlines xaqında başlatılğan tikşerü däwam itä.