Ofis sanağında uynağan öçen cäza

Yaponiyädä ofistağı sanağında 9 ayda barlığı 275 säğat’ uynağan cirle meriyä xezmätkäre cäzağa tartıldı. Waqıyğa Yokoxama xakimiyäteneñ kadastr bülegendä bula. Anda êşläwçe beräw turında xezmättäşe şiqayät’ belderä. Näticädä xezmätkärneñ sanağındağı xäräkätlären tikşerälär häm 2021nçe yılnıñ dekabrennän 2022nçe yılnıñ avgustına qadär kön sayın 30 minutan 3 säğat’kä qadär kömp’yuter uyınnarı belän mawığuın açıqlıylar. Xezmätkärneñ bu waqıt êçendä 275 säğat’ karta uynawı, sudoku häm başwatqıç çişüe bilgele bula.

Xezmätkärne disśiplina cawaplılığına tartalar häm cäza bilgelilär. Anıñ 5 ay buyı xezmät xaqınıñ 10%ı kiselep baraçaq.  

Cäzağa tartıluçınıñ xezmättäşe bolay di: “Bik küp basqalaw tawışı işetelä ide häm bu ğadäti bulmağan xäl ide. Qarasam - uynap utıra”.

Milli matbuğatta xezmätkärneñ: “Yal itü öçen uynadım. Êşemä yoğıntı yasamağanda qısqa waqıtlı uyınnarnıñ problema çığaraçağın uylamadım,”-dip aqlanuı citkerelde.