İzraildäge grek pravoslav partiarxatı yähüdlärne ğayıpläde
Yähüd cirläşüçeläre dini oyışmanıñ cirlären basıp alğan
Qudüs (Yerusalim) grek pravoslav patriarxatı basıp alınğan Könçığış Qudüstä üzläreneñ cir kişärlegen İzrail poliśiyäse yaqlawındağı yähüd cirläşüçelärneñ basıp aluına rizasızlıq belderde.
Patriarxattan yasalğan yazma belderüdä bolay diyelä: “Sionist radikal’ törkem Qudüsneñ iske şähäreneñ kön’yağındağı Xilva üzänlegendä patriarxatnıñ ciren bernindi säbäben äytmiçä bastı”. Anda älege törkemneñ İzrail poliśiyäse häm çik buyı saqçıları belän bergä êş itüe assızıqlana.
Patriarxat Xil’va üzänlegendäge 5 meñ kvadrat metr zurlığındağı ciren fäşästinle fermerğa qullanu öçen arendağa birgän.
“Bu basqın Qudüs grek pravoslav patriarxatınıñ cirlärenä açıqtan-açıq höcüm” diyelä belderüdä.
Waqıyğanıñ şahitlärennän alınğan mäğ’lümatlarğa qarağanda, yähüd cirläşüçelär älege cir kişärlegen kilep kirtäläp alğan. Şunnan soñ fälästinle yäş’lär häm İzrail poliśiyäse arasında çıqqan tartqalaşu näticäsendä 5 fälästinle qulğa alına.
Bu mäs’älä belän bäyle bularaq İzrail dairälärennän belderü yasalmadı.
