"Boko Xaram” terror oyışması höcümendä 17 keşeneñ ğomere özelgän
Terrorçılar Nigeriyäneñ tön’yaq-könçığışındağı Borno ştatınıñ Ayramne awılına höcüm itkän
1924021
"Boko Xaram” terror oyışması Nigeriyäneñ tön’yaq-könçığışındağı Borno ştatınıñ Ayramne awılına höcüm itkän.
Milli matbuğattağı xäbärlärgä qarağanda, höcümdä kötüce bulğan 17 keşeneñ ğomere özelgän.
Terrorçılar kötüçelärne üterep alarnıñ barlıq malların urlağannar.
İldä 2000 nçe yıllardan başlap höcümnär oyıştırğan “Boko Xaram”nıñ 2009 nçı yıldan birle höcümnärendä 20 meñnän artıq keşe ğomeren yuğaltqan.
Terror oyışması 2015 nçe yıldan başlap çik kürşeläre Kamerun, Çad häm Nigerdä dä höcümnär oyıştıra.
Oyışmanıñ Çad küle basseynındağı höcümnärendä kim digändä 2 meñ keşeneñ ğomere özelgän.
