PKK tarafdarları Parijnı suğış mäydanına äyländergän

Separatist PKK terror oyışması tarafdarları Franŝiya başqalası Parijda 3 keşeneñ ğomere özelgän qorallı höcümne protest itü nigeznamäse belän qırıslıq çaraları oyıştırğan.

Meñnärçä PKK terror oyışması tarafdarları Parijda Cömhüriyät mäydanında cıyıldı.

Tremple bul’varında PKK yaqlı şiğar’lär äytkän höcümçelär ataman Abdullah Öcalannıñ fotoräseme belän PKKnı simvollauçı çüpräklär kütärde.

Terror oyışması tarafdarı bulğan höcümçelär trotuar taşların qubarıp, poliŝiya xezmätkärlärenä, tirä-yaqtağı öy häm kibetlärgä ırğıttı.

Kübese bitlek kigän, feyerverk häm utlar belän tirä-yaqnı suğış mäydanına äyländergän höcümçelär avtobus tuqtalışların cimerde.

Tınıç xalıqnıñ şaqtıy avtomobilen häm motoŝiklın äyländerep, ut törtkän, qullarındağı tayaqlar belän täräzä häm közgelären watqan höcümçelär maşinalarnı qullanılmaz xälgä kiterde.

Poliŝiyaneñ isä höcümçelärgä qaywaqıt borıçlı gaz belän qatoşuı iğtibarnı cälep itte.

Parijnıñ İminlek mödire PKK tarafdarlarınıñ qırıslıq qullanuın, waqıyğalarda 31 iminlek xezmätkäre häm ber protestçınıñ yaralanuın belderde.

Mödir citkergänçä şaqtıy transport çarası häm 15 vitrina zıyan kürde.

Qırıslıq waqıyğaları arqasında 11 keşe qulğa alınğan.

PKK terror oyışması tarafdarları Parijdağı qorallı höcümne protest itär öçen Marsel’ şähärendä dä miting oyıştırğan.

Çıqqan qırıslıq waqıyğalarında 4 poliŝiya xezmätkäre yaralandı, 3 keşe qulğa alındı. Şulay uq ber poliŝiya bülekçäsenä taşlar ırğıtıldı, 2 poliŝiya maşinası, çüp çiläkläre häm ber avtobus tuqtalışına ut törtelde.