AQŞta qar buranı 17 can alğan

Amerika Quşma Ştatlarında küzätelüçe “Eliott” isemle qar buranı arqasında kim digändä 17 keşeneñ ğomere özelde.

Milli hawa torışı xezmäte Tön’yaq qotıptan kilep, ilneñ yaqınça öçtän ike öleşenä täêsir itkän zämhäri salqınnarnıñ ilneñ urta häm könçığış töbäklärendä atna azağında da däwam itäçägen citkerde.

USA Today xäbärenä kürä ildä küzätelüçe hawa şartlarına bäyle hälakätlärdä xäzergä qadär kimendä 17 keşe yaqtı dön’yadan kitte.

Comğa könennän bügengä qadär ülüçelär sanı ike tapqırğa artqan, qar buranı iñ küp kürelgän ştatlarda barlıqqa kilgän yul hälakätlärendä dä distälärçä keşe yaralanğan.

Räsmi zatlar qayber töbäklärdä tizlege sägätenä 115 çaqrımğa citüçe qar buranı arqasında tirä-yaqnı kürep bulmawın belderde.

İldä 1 millionnan artıq öy häm êş urınında ut betkän, räsmi zatlar däwam itüçe tiskäre hawa şartları arqasında citeşsezleklärneñ tiz genä tözätelä alınmayaçağı turında kisätkän.

AQŞta zämhäri suıqlar arqasında xalıq sanınıñ 60%ına turı kilüçe 200 millionnan artıq keşegä qar buranı kisätüläre yasaldı yäisä kiñäşlär birelde.

İlneñ urta könbatış töbäklärendäge Montana, Kön’yaq Dakota häm Vayoming ştatlarında hawa däräcäse -45 graduska töşkän, Florida häm Djordjiya kebek kön’ştatlarda Raştua bäyrämendä rekord däräcädäge salqınnar kötelä.

N’yu-York, Virdjiniya, Kentaki, Djordjiya, Tön’yaq Karolina häm Oklaxoma belän ber rättän şaqtıy ştatta ğadättän tış xäl iğlan itelde.

AQŞ prezidentı Djo Bayden watandaşlarnı kisätülärgä qolaq salırğa çaqırdı.