Kanada häm AQŞta salqınnar
Qar hawa yulı transportın da tuqtattı
Kanadanıñ Britaniya Kolumbiyasendä küp qar yawu tormışqa tiskäre täêsir itä.
Vilayät’neñ kön’yağında qar qalınlığı 27 santimetrğa citte.
Qar hawa yulı transportın da tuqtattı.
Vankuver Xalıqara aêroportında 200 reys ğamäldän çığarılğan, 67 oçqıç säfäre isä kiçekterelgän.
Hawa mäydanı personalı reyslarnıñ qabat başlanuı öçen yullarnı çistarta.
Kanadanıñ Meteorologiya xezmäte Britaniya Kolumbiyase öçen qar kisätüe yasağan.
Amerika Quşma Ştatlarında da milli häm cirle meteorologiya agentlıkları salqınnar häm qarlı hawa torışı xaqında kisätü yasadı.
Milli hawa torışı xezmäte ilneñ qayber töbäklärendä soñğı 40 yılda kürelmägän salqın hawalarnıñ yaqınayuın belderep, Raştua bäyräme öçen säyäxät planlauçılarnı kisätte.
Milli hawa torışı xezmäte zur qar buranı häm salqın hawa dulqınınıñ ilneñ barlıq ştatlarında diyärlek küzäteläçägen belderde.
