Franśiyädä çempionattan soñ çualışlar buldı

Franśiyäneñ 2022nçe yılğı FİFA Dön’ya kubogı finalında Argentinağa ciñelüennän soñ ildä çıqqan çualışlarda 227 keşe qulğa alındı.

“Le Figaro” gazetınıñ Franśiyä êçke êşlär ministrı Jeral’d Darmaninnıñ berderülärenä tayanuçı xäbärenä qarağanda, matçtan soñ başqala Parij häm başqa şähärlärdä uramnar xalıq belän tula.

Parijnıñ iñ xäräkätle uramnarınnan berse Şanzêlizene basqan häm poliśiyägä qarşılıq kürsätep feyerverk, şeşälär atuçı törkemnärne äçe gaz sipterep taratalar. Anda 47 keşe saq astına alına.

Niśśa, Lion, Bordo häm Rube şikelle şähärlärdä dä oxşaş waqıyğalar bula. Qayber cirleklärdä mêrlar çualışlar waqıtında kibet häm uramnarğa zarar birelüenä qanäğat’sezlek belderde.

Franśiyäneñ Dön’ya kubogında yarım finalda Marokkonı ciñüennän soñ da bik küp şähärdä çiktän tış uñçılar uramnarda tärtipsezlek oyıştırğan ide. Final matçlarınnan soñ da şul uq xäl qabatlanmasın öçen Parijda 2 meñ 750, il külämendä 14 meñ poliśiyä häm jandarm wazıyfa başqardı.