Pıçraq hawa mäktäplärdä däreslärne tuqtattı

İrannıñ räsmi xäbär agentlığı IRNA xäbär itkänçä, kiçä Tähranda hawa pıçranuı buyınça ğadättän tış xällär törkeme cıyılışı uzğan.

Cıyılıştan soñ hawa pıçranuı arqasında Tähran ustanınıñ Perdis, Demavend häm Firuzkohtan qala barlıq şähärlärendä mäktäplärdä häm yuğarı uqu yortlarında sişämbegä qadär däreslärne onlayn rejimda ütkärü qararı qabul itelgän.

Älege şähärlärdä açıq mäydançıqlarda sport belän şöğıl’länü tıyılğan.

Hawa pıçranuı buyınça ğadättän tış xällär törkeme watandaşlarnı kiräk bulmağanda säyäxät itmäskä häm tışqa çıqmasqa öndi.

Dön’ya külämendä hawa pıçranuı reytingında berençe öçlekkä kergän Tähranda mäktäplärdä yış qına däreslär bu säbäptän  tuqtap tora.