AQŞta yulçılar utlı qoralların üze belän yörtergä teli

Amerika Quşma Ştatlarında bıyıl aêroportlardağı tikşerü punktlarında 6 meñ 301 utlı qoral alınğan.

AQŞ Transport qurqınıçsızlığı idaräse beldergänçä, bu isä bügengä qadärge iñ yuğarı kürsätkeç. Uzğan yıl bu san 5 meñ 972 bulğan.

Utlı qorallarnıñ 88%ınıñ êçe tulı.

AQŞta yulçılar, buş bulğan oçraqta, utlı qoralların bagajlarına sala alalar.

Yulçılar, yörtü röxsäte bulsa da, mıltıqların üze belän ala almıy häm kabina bagajlarında saqlıy almıylar.

İldä qul bagajlarında mıltıq bulğan keşelärgä qarata ğamäldä bulğan ştraf 13 meñ 910 dollardan 14 meñ 950 dollarğa qadär kütärelgän.

Şul uq waqıtta AQŞnıñ N’yu-York ştatında qoralsızlandırırğa öndäw maqsatınnan “Qoral alıp kilüçegä 500 dollar” kampaniyäse başlanğan.

Kampaniya qısalarında, qoral törenä qarap, anı tapşıruçığa 50 dollardan alıp 500 dollarğa qadär tülilär.

Mıltığın alıp kilgän keşelärgä 50, 150 häm 500 dollarlıq büläk kartoçkaları birälär.