Şol’ś “Klimat klubı”nıñ tormışqa aşırıluın belderde

Şol’ś Germaniyanıñ çirattağı räislegendäge G7 illäreneñ liderları belän onlayın ütkärgän cıyılıştan soñ başqala Berlinda matbuğat oçraşuın oyıştırdı.

Şol’ś, Rusiyäneñ Ukrainağa qarşı 24nçe fevral’da başlatqan suğış häm bu suğışnıñ näticäläre belän mäşğul’ buluına qaramastan klimat üzgäreşläre kebek başqa global’ problemalarnı da iğ’tibarsız qaldırmawların iskärtep uzıp, Germaniyada iyün’dä ütkärelgän G7 liderlar sammitında “Klimat klubı”nıñ tözelüe qararına kilenüen citkerde.

Şuşı waqıttan birle “Klimat klubı”na qağılışlı êşçänlekneñ alıp barıluın belderüçe Şol’ś: “Bügen nizamnamäse (ustavı) qabul itelep, Klimat klubınıñ tormışqa aşırıluın äytä alam”, - dide.

Şol’ś İq’tisadi xezmättäşlek häm üseş oyışması (OECD) belän Xalıqara ênergetika agentlığınıñ (IEA) “Klimat klubı” öçen sekretariat buldıraçaqları öçen şat buluın belderde.

Misırnıñ Şarm äl Şäyıx qalasında oyıştırılğan Klimat konferenśiyäsendä şaqtıy ilneñ “Klimat klubı” belän qızıqsınuın kürüen citkerüçe Şol’ś 2023nçe yıl axırında Berläşkän Ğaräp Ämirleklärendä uzdırılaçaq monnan soñğı Klimat konferenśiyäsendä başqa möhim illärneñ dä klubqa quşılaçağın äytte.

Germaniya Kanślerı, ileneñ 2023nçe yılnıñ 1nçe ğıynwarında “G7”neñ çirattağı räislegen Yaponiyağa tapşıraçağın belderep, yapon citäkçelegenä uñışlar teläde.