Semeru yanartawı attı
İndoneziyädäge aktiv 130 yanartawnıñ berse bulğan Semeru yänäşäsendä yäşäwçelärne aşığıç räweştä êvakuaśiyälädelär
1914580
İndoneziyäneñ Könçığış Yava töbägendäge Semeru yanartawınıñ aktivlaşuınnan soñ tirä-yün’däge awıllarda yäşäwçelär êvakuaśiyälände. İlneñ afätlär waqıtında idarä itü agentlığı citkergänçä, xätär urınnardan 1969 keşene çığarğannar. Yanartawdan şul tirädäge 6 awılğa zarar kilgän, bäxetkä, yaralanuçı yuq.
Semerudan atılğan köl häm töten 1500 metr biyeklekkä qadär mengän. Xäwef signalı xäzerge waqıtta iñ yuğarı däräcädä.
Semeru yanartawında 2021nçe yılnıñ 4nçe dekabrendä bulğan şartlawda 51 keşe ülgän ide.
“Tın okean ut qırşawı” dip ataluçı cir teträw häm vulkan quşağında urnaşqan İndoneziyädä yaqınça 130 aktiv yanartaw bar.
