İranda qar yawdı - uqular tuqtatıldı

İrannıñ qayber şähärlärendä qar, suıq hawa, tuñ häm toman säbäple mäktäplärdä uqular tuqtatıldı, oçışlar ğamäldän çığarıldı.

İrannıñ räsmi xäbär agentlığı İRNA citkergänçä, Tähran töbäge mäğarif idaräse Rudäxän häm Dämavändta barlıq uqu yortları öçen  yal iğ’lan itelüen belderde. Başqaladağı Mäxrabad aêroportı qayber oçışlarnı baru noqtalarındağı quyı toman häm qar säbäple ğamäldän çığardı.

Räzävi Xorasan töbägeneñ Qızılay cämğıyätennän belderülärençä, Mäşxädtä qar buranı arqasında yaqınça 1000 maşina yulda qalğan. Qotqaru törkemnäre yulnı açıp alarğa yärdäm itkän.

Wäqalätlelär ilneñ tön’yaq töbäklärenä säfärlärne, mäcbüri bulmağanda, kiçekterep torırğa kiñäş itä.