5704 keşe öylärenä qayttı

Nigeriyaneñ tön’yaq-könçığışında Boko Haram terror oyışmasınnan qaçqan häm kürşe illärgä sıyınğan 5704 keşe öylärenä qayttı.

Nigeriyadağı Zıyan kürüçelärgä yärdäm fondı başlığı Laval Alao açıqlaw yasap, armiyaneñ Borno vilayätenä bäyle Martte töbägendä qabat iminlek urnaştıruın belderde.

Bu töbäktä 6 yıl êlek Boko Haram höcümnäre arqasında qaçqan häm kürşe illär Kamerun häm Nigerğa sıyınğan 5704 keşeneñ öylärenä qaytuın citkergän Alao qaytuçılarnıñ xökümät tözegän binalarğa urnaştırıluın açıqladı.

Nigeriyada Boko Haram oyıştırğan terror höcümnärendä 20 meñnän artıq keşeneñ ğomere özelde.

Terror oyışması 2015tän bügengä qadär ilneñ çik buyı kürşeläre bulğan Kamerun, Çad häm Nigerda da höcümnär oyıştırdı.

İldäge terror höcümnäre häm bäreleşlär arqasında 100 meñnärçä keşe küçep kitärgä mäcbür qaldı.