Yaponnarğa öylärendä qalın kiyenergä quştılar

Yaponiyädä farazlanuçı êlektr özekleklärenä qarşı kisätü maqsatınnan 4 ay däwam itäçäk saqçıllıq prośessı başlandı. Xökümät toraq häm êş urınnarına qarawçı külämle programma iğ’lan itte. Ul 1nçe dekabr’dän 31nçe martqa qadär tormışqa aşırılaçaq.

Xökümät yapon xalqın öylärendä tağın da qalın kiyenergä häm cılıtuçı cihazlarnı tübänräk rejimda êşlätergä çaqıra. Kiñäşlär arasında qalın pärdä qullanu häm kiräk bulmağanda utnı sünderü şikelle täq’dimnär dä bar.

İldä êletr êkonomiyäsen unışlı tormışqa aşırğan qullanuçılarğa qızıqsındıru çarası da qaralğan. Programmağa terkälgän barlıq yortlarğa yaqınça 2 meñ iyen (14 dollar) külämendä büläkläw ballı bireläçäk. Monnan soñ 3 xisap-fakturasın, uzğan yılnıñ şuşı uq çorı belän çağıştırğanda, 3 tapqır yäisä tağın da kübräk kimetüçelärgä isä östämä ballar qaralğan.