Transneft’ Ukraina aşa Awrupağa neft’ cibärüne öleşçä tuqtatqan

Rusiyäneñ neft’ ütkärgeçe kompaniyäse Transneft’ Ukraina aşa Awrupağa neft’ cibärüne öleşçä tuqtatqan.

Transnef’neñ TASS mäğ’lümat agentlığına yasağan belderüendä äytelgänçä, Ukraina aşa Awrupağa neft’ ireştergän Drujba liniyäsendä cibärü öleşçä tuqtalğan.

Älege ütkärgeçtän Vengriyägä neft’ cibärü bötenläy tuqtağan bulsa, Slovakiyädäge neft’ saqlağıçları arqasında Çexiya häm Sovakiyägä cibärü däwam itä.

Ukraina texnik säbäplär arqasında 15 nçe noyabr’dä Drujba aşa neft’ cibärüne tulısınça tuqtatqan häm ikençe könne däwam itkän ide.