Qıtayda koronavirus oçraqları rekord däräcägä citte

Qıtayda köndälek koronavirus yoqtıru oçraqları kizüneñ başınnan birle iñ yuğarı däräcägä citte.

Milli sälamätlek saqlaw komissiyäsennän yasalğan belderügä qarağanda, ildä soñğı 24 säğat’tä virus arqasında 1 keşeneñ ğomere özelde, xastalıq bilgeläre bulğan 4 meñ 10, simptomnarsız 27 meñ 646 oçraq terkälde. Közge aylardağı soñğı dulqında Omikronnıñ yoğışlılığı yuğarı “BA.5.2” subvariantı taraluı farazlana.

Xinan provinśiyäse başqalası Śinkouda koronavirusnıñ taraluı kontrol’ itelä almaw säbäple 8 rayonda 5 kön buyı azıq-tölek alu häm mediśina ixtiyaclarınnan tış öydän çığu tıyıldı.

Guandun provinşiyäseneñ üzäge häm Qıtaynıñ iñ zur öçençe şähäre Guankouda isä Xubey töbägennän êşläw öçen kilgän keşelärneñ karantinnan soñ waqıtlıça torğan mäxällägä kire qayta almawları häm öysez qaluları belderelde. Alarnıñ Kovid-19 testı pozitiv çıqqannarın karantin üzäklärenä cibärälär häm soñınnan qabat mäxällälärenä kerergä röxsät birmilär.

Başqala Pekinda yoqtıru oçraqları kizü başınnan birle iñ yuğarı däräcägä citte, çikläwlär torğan sayın kiskenläşä. Yaqınça 22 million keşe yäşi torğan qalada soñğı 24 säğat’tä awırtu bilgeläre kürästüçe 500, kürsätmäwçe 1139 oçraq terkälgän. Köndälek yoqtıru oçraqları soñğı 2 köndä meñnän arta.