İke avtobus tuqtalışında şartlaw

İzraildä, Könbatış Qudüs şähärendä ike ayırım şartlaw buldı. Anda, berençel mäğ’lümatlar buyınça, 1 keşe ülde, 13e yaralandı.

İzrail poliśiyäsennän belderülärençä, şartlawlar ike noqtada avtobus tuqtalışları yänäşäsendä bulğan. Alarnıñ bombalı höcüm buluı farazlana.  

Könbatış Qudüstän çıqqanda Givat-Şaul’ yul kiseleşendä bulğan şartlawda kimendä 11 keşe yaralanğan. Şunnan soñ şähärneñ Ramot kiseleşendäge avtobus tuqtalışı yanında tağın ber şartlaw yañğırıy. Anda 3 keşeneñ yaralanuı belderelä.

Xastaxanägä salınğan yaralanuçılarnıñ berseneñ ğomere özelüe, 4seneñ xäleneñ awır buluı belderelä.

Poliśiyä ike waqıyğa urınında da dälil häm şahitlärne tikşerä.

İzrail xökümäte räise Yair Lapid bügen maxsus iminlek cıyılışı uzdıraçağın citkerde.