İzrail köçläre 7 yılda 9 meñ 300 dän artıq fälästinle balanı qulğa alğan

Fälästin totqınnar cämğıyäte İzrail köçläreneñ 2015 nçe yıldan alıp 18 yäş’kä qadärge 9 meñ 300 dän artıq fälästinle balanı qulğa aluın xäbär itte.

Bu xaqtağı belderüdä äytelgänçä, İzrail köçläre 2022 nçe yılda isä 750 balanı qulğa alğan.

Alardan 160 ı irekkä cibärelmägän. Älege balalar arasında İzrail ğaskärläre ut açuı näticäsendä yaralanğan balalar da bar.

Belderüdä şulay uq 3 qız häm 5 malaynıñ bernindi ğayepläw bulmıyça häm xökemgä tartu prośessı başlatmıyça torıp “administrativ saq astına alu“ räweşendä törmädä totıluı citkerelä.

Fälästin totqınnar cämğıyäte İzrail törmäse citäkçelegeneñ balalarnı awır qulğa alu şartlarında totuın belderä.