AQŞta qar burannarı ülemgä kiterde
Comğa kiçennän birle yawuçı qarnıñ biyeklege qayber cirleklärdä 1 metr 80 santimetrdan arttı
1908535
AQŞta N’yu-York ştatınıñ könbatış häm tön’yaq rayonnarında xakimlek itüçe qar buranı arqasında 3 keşeneñ ğomere özelde. Bigräk tä ul Buffalo şähärendä köndälek tormışqa zur yoğıntı yasadı.
Comğa kiçennän birle yawuçı qarnıñ biyeklege qayber cirleklärdä 1 metr 80 santimetrdan arttı, maşinalar yulda tuqtap qaldı.
Buffalo şähärendä 2 keşe qar körägändä yöräk öyänäge kiçerep ülde.
İndiana ştatındağı Gamlet şähärçegendä isä ber keşe maşinası belän qar körtenä bärelep hälaq buldı.
N’yu-York gubernatorı Kêti Xoukul AQŞ ilbaşı Djo Baydennan “federal’ ğadättän tış xäl” iğ’lan itüen sorayaçağın belderde.