G-20 liderları İndoneziyädä oçraştı

Bıyılğı G-20 cıyılışı ayıruça awır buldı.

Xätta citäkçelär tradiśion kümäk fotoräsemğä dä töşmäskä buldılar.

Bu isä G-20 neñ berdän artıq frontta berläşmäweneñ açıq kürsätkeçe.

Bigräk tä Rusiyäneñ Ukrainağa qarşı suğışı.

Djoko Vidodo - İndoneziya däwlät başlığı: ”Monda cawaplı bulu şulay uq suğışnı tuqtatırğa tiyeşbez digänne dä añlata. Ägär suğış betmäsä, dön’yanıñ alğa baruı awır bulaçaq”,- dide.

Küpçelek äğ’za illär Rusiyäneñ agressiyäsenä tarafsız qaldılar…

Bu alarnı G-20 xezmättäşläreneñ kübesenä qarşı quya.

Van İ-Qıtay tışqı êşlär ministrı: “Rusiyäneñ G-20 häm başqa küpqırlı formatlarda qıymmätle rol’ uynawın yaqlıybız.Beräwneñ dä Rusiyäne küpyaqlı formatlarda qatnaşu xoquqınnan mäxrim itü xoquqı yuq dip sanıybız”,-dip belderde.

Melinda Nusifora-Bali: “Rusiya däwlät başlığı Vladimir Putin bıyılğı çarada qatnaşmadı…Baliğa tışqı êşlär ministrın cibärde.

Ä menä Ukraina ilbaşı Volodimir Zelenskiy G-20 sammitına video êlemtä aşa totaşıp liderlarğa möräcäğät’ itte”.

Volodimir Zelenskiy-Ukraina ilbaşı: “Bez qağıydälärne xörmät itäbez häm üz süzebezdä torabız.Ukraina härwaqıt tınıçlıq saqlaw ölkäsendä lider buldı häm dön’ya moña şahit. Ägär dä Rusiya bu suğışnı tuqtatırğa teläsä, monı üz êşläre belän isbatlasın”,-dide.

Sergey Lavrov-Rusiya tışqı êşlär ministrı: “Barlıq problemalar söyläşülärne bötenläy kire qaqqan,real’ bulmağan häm wäzğıyät’kä turı kilmägän şartlar quyğan Ukraina yağında”.

Qıtay ilbaşı ike yıldan soñ dön’ya säyäsät säxnäsenä kire qayta…Küp sanda ike yaqlı söyläşülär belän diplomatik êlemtälärne qabat torğıza.

Êntoni Albaniz – Avstraliya prem’yer-ministrı: “Bu problemalarnı xäl itkändä bezgä totrıqlı, tınıç Hind -Tın okeanı öçen êşlärgä kiräk”,- dide.

Qatlawlı global’ kön tärtibe östendä êşläw urınına, kürüebezçä, liderlar berençe könne G-20 neñ êçke êşlärenä kübräk iğ’tibar birgännär.

Melinda Nusifora, TRT World,Bali.