Rusiyäneñ AQŞ belän êlemtäläre däwam itä
Rusiyä tışqı êşlär ministrlığı süzçese Mariya Zaxarova Mäskäw belän Vaşington arasındağı êlemtälär xaqında mäğ’lümat birde
Rusiyä tışqı êşlär ministrlığı süzçese Mariya Zaxarova AQŞ belän totqınnarnı almaştıru turında söyläşülär baruın belderde. RİA xäbär agentlığı yazğança, wäkil Mäskäw belän Vaşington arasındağı êlemtälär xaqında mäğ’lümat birde.
“Söyläşülär qızıqsınuçı yaqlar bulğan xoquq saqlaw organnarı häm maxsus büleklär (küzläw oyışması) däräcäsendä alıp barıla. Tik, qızğanıçqa, aylar buyı bez AQŞtan keşelärneñ problemaların çişü mäs’äläsendä bernindi omtılış ta kürmädek,”-di Mariya Zaxarova.
Süzçe Mäskäw belän Vaşingtonnıñ qayber êlemtäläre barlığın äytä. “Bu kontaktlar törle oyışmalar arasında. Älbättä bolarnıñ tulı xoquqlı xezmättäşlek, üzara êlemtälär belän bernindi bäyläneşe yuq,”-di ul.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar