Tanzaniyada xalqı tiz arta

Tanzaniyada yäşäwçelär sanı soñğı 10 yılda yaqınça 40%qa arttı. 2012nçe yılda anda 44 million 900 meñ keşe yäşäsä, xäzer bu san - 61 million 700 meñ. Xalıqnıñ 51%ı xatın-qızlar.

 İl iq’tisadınıñ üzäge sanaluçı Dar-äs-Sälam şähärendä yäşäwçelärneñ sanı 5 million 400 meñgä citte. Zanzibar utrawlarında 1 million 900 meñ keşe ğomer itä. Başqala Dodomanıñ xalqı da 3 million 100 meñgä citte.  

BMO farazlawınça, bolay däwam itsä, 2050nçe yılda dön’yadağı xalıqnıñ dürttän ber öleşe Afrika qıytğasında yäşäyäçäk.