Bryussel'da zur protest çarası
25 meñ tiräse protestçı klimat üzgäreşenä qarşı miting uzdırdı
Bel’giya başqalası Bryussel’da yaqınça 25 meñ keşe Berläşkän Millätlär Oyışmasınıñ Klimat oçraşuı (COP27) aldınnan protest çarası oyıştırdı.
Tön’yaq Poyezd stanŝiyasendä cıyılğan keşe törkeme Awrupa Berlege oyışmaları urnaşqan Şuman mäydanınnan uzıp, 50nçe yıl parkına yul tottı.
25 meñ tiräse protestçı ilneñ törle urınnarınnan 96 ictimağıy oyışma qatnaşında “kiläçäk öçen yöregez” iseme astında oyıştırılğan mitingta klimat üzgäreşe belän köräş temalı şiğar’lär äytte.
Yul xäräkäte öçen yabılğan prospektlar buylap barğan keşelär “Klimat tügel, säyäsätne üzgärtegez!”, “İkençe planeta yuq”, “Ber könne bik soñ bulaçaq” dip yazılğan plakatlar kütärde.
Berläşkän Millätlär Oyışması Klimat üzgäreşe konvenŝiyaseneñ 27nçe Taraflar konferenŝiyase 6-18 noyabr’ könnärendä Misırnıñ Şarm êl-Şeyh şähärendä uzaçaq.
