Trampnı soraw aluğa çaqırdılar
Trampnıñ 2020nçe yılğı ilbaşı saylawları näticäsen ğamäldän çığaru öçen 2021nçe yılnıñ 6nçı ğıynvarında oyıştırılğan Kongress basqınınıñ töp säbäbe buluı äytelä
AQŞ wäkillär palatasınıñ 6nçı ğıynvar waqıyğaların tikşerü komitetı êlekkege ilbaşı Donal’d Trampnı Kongress basqını turında soraw alu öçen çaqıru turında qarar çığardı.
Tikşerü komitetınnan yasalğan yazmaça belderüdä Trampnıñ 2020nçe yılğı ilbaşı saylawları näticäsen ğamäldän çığaru öçen 2021nçe yılnıñ 6nçı ğıynvarında oyıştırılğan Kongress basqınınıñ töp säbäbe buluı äytelä. Şuna kürä aña mäxkämä çaqırunamäse cibärelä.
Komitet Trampnıñ advokatlarınnan 14nçe noyabr’gä qadär êlekkege ilbaşınıñ antlı belderüe belän bergä şaqtıy dokument taläp itte. Anda êkstremist törkemnär belän şäxsi mönäsäbätlär turında mäğ’lümat ta sorala.
AQŞ Wäkillär palatasında 2021nçe yılnıñ 6nçı ğıynvarındağı Kongres basqını waqıyğaların tikşerü öçen maxsus komitet tözelde. Anıñ 13nçe oktyabrt’dä bulğan utırışında Donal’d Trampnı soraw aluğa çaqıru qaraldı. Tawış birüdä komitet äğ’zalarınıñ barısı älege täq’dimne xupladı. Şunnan soñ komitet citäkçese Benni Tompson bolay dide: “Tramp - 6nçı ğıynvardağı waqıyğalarnıñ üzägendäge keşe. Şul säbäple anı da tıñlarğa telibez”.
Kongresstağı komitetlarnıñ soraw alu çaqıruına cawap birmäw, qanun nigezendä, cinayät’ sanala.
