Bolgariya,Tön’yaq Makedoniya häm Montenegro Yevrovideniye - 2023 cır bäygesendä qatnaşmayaçaq
Qatnaşuçılar isemlegendä älege illärneñ isemnäre yuq
Bolgariya, Tön’yaq Makedoniya häm Montenegro Angliyäneñ Liverpul’ şähärendä uzaçaq Yevrovideniye - 2023 cır bäygesendä qatnaşmaw qararına kilgännär.
Bäygene oyıştıruçı Awrupa tapşırular berlege häm BBC tarafınnan bastırılğan 37 il urın alğan isemlektä älege illärneñ isemnäre yuq.
Öç il qararın bäygedä qatnaşu, terkälü bäyäläre iğ’lan itelgännän soñ açıqladı.
Yevrovideniyedä säxnägä çığarğa telägän illär yıl sayın qatnaşu bäyäsen tülilär.
İllärgä qarap üzgärgän bu bäyäneñ iñ zur küläme 5 milion sterling itep kürsätelä.
Qunaqlarnı qabul itüçe il byudjetqa ayırım öleş kertä.
Bolgariyäneñ bäygedä qatnaşmaw säbäbe xaqında räsmi belderü yasawı kötelä.
Makedoniya häm Montenegro wäqalätleläre Yevrovideniyedä qatnaşmaw säbäben qatnaşu häm terkälü bäyäläreneñ artuı belän bäyläp añlattı.
