Dart bärelgän asteroidnıñ orbitası üzgärde

NASA Dart ğaläm apparatınıñ Dimorfos asteroidınıñ orbitasın uñışlı üzgärtüen rasladı. Bu xaqta agentlıqnıñ internet säxifäsendä urın alğan xäbärdä äytelä.

Dart 27nçe sentyabr’dä Cir öçen bernindi yanaw tudırmawçı Dimorfosqa planlaştırılğança barıp bärelde.

NASA, Xabbl ğaläm teleskobı häm bäreleşü töbägenä yaqınça 50 çaqrım yıraqlıqtağı İtaliya ğaläm apparatınnan alınğan yaña küreneşlärne dä kertep, bik küp dokument çığardı.

Agentlıqnıñ citäkçese Bill Nelson bolay dide: “Bu missiyä NASAnıñ ğalämnän bezgä oçuçı här närsägä äzer bulırğa tırışuın kürsätä”. Ul agentlıqnıñ Cirne saqlaw mäs’äläsendä citdi buluın isbatlawın äytte. Wazıyfa planetabıznı potenśial asteroid häm kometa yanawlarınnan saqlaw texnologiyäsen sınaw maqsatınnan çığıp ütkärelä.