Avtobus tägäräde: 25 üle

Hindstannıñ tön’yağındağı Uttarkand töbägendä ber avtobusnıñ üzänlekkä töşüe näticäsendä, berençel mäğ’lümatlarğa qarağanda, 25 keşe ülde.  Wäqalätlelär sişämbe tönendä yulğa çıqqan avtobusta 40tan artıq keşe buluın belderä. Qotqarı êşçänlekläre barışında 21 yulçını isän kileş çığarğannar.

Hälakätneñ säbäbe älegä bilgele tügel. Tikşerü êşe bara.

Hindstan xökümäte räise Narendra Modi ber yazmasında “matämdäge ğailälärneñ ärnüen xis itüen” yaza.   

İldä iminlek saqlanmaw, naçar yörtü häm bozıq yullar belän bäyle hälakätlär yış bula. Avtobuslar, ğadättä, qurqınıçsızlıq qağıydälärenä tökerep qarıy häm tiyeşennän kübräk yulçı ala.