Soyuz MS-22 ğalämgä oçtı
Korabta Rusiyä häm AQŞ astronavtları bar
1883092
Rusiyä kosmonavtları Sergey Prokop’yev belän Dmitriy Petelin häm Amerika astronavtı Fransisko Rubionı utırtqan ğaläm korabı Soyuz MS-22 Qazaqstannıñ Baykonur kosmodromınnan oçırtıldı. Ul Rusiyä federal’ ğaläm agentlığı Roskosmos belän AQŞnıñ aviaśiya häm ğaläm agentlığı NASA arasında imzalanğan berdäm oçışlar kileşüe qısalarında başqarıldı.
Korab kiçä Türkiyä waqıtı belän säğat’ 16 tulıp 54 minutta yulğa quzğaldı. Soyuz MS-22ne oçırtu mizgelläre Roskosmos belän NASAnıñ räsmi sośial’ media säxifäläre aşa translyaśiyälände.
Ğaläm yulçılığınnan soñ törkemneñ Xalıqara ğaläm stanśiyäsendäge keçkenä tikşerenü modüle Rassvetqa totaşuı kötelä. Alar ğalämdä 188 kön qalaçaq. Bu waqıt êçendä 5 tapqır açıq ğalämgä çığarğa planlaştıralar.
