Kosta-Rikada qurqınıç hälakät
Şuışqan cir ike qatlı avtobusnı çoñğılğa êtep töşerde
Kosta-Rikada köçle yawım-töşem kiterep çığarğan cir şuışu näticäsendä avtobus hälakätkä oçradı. Anda, berençel mäğ’lümatlar buyınça, 9 keşeneñ ğomere özelde, 30ı yaralandı.
Waqıyğa Lambronero töbägendäge Aşaxuêla şähäre tiräsendä bula. İke qatlı avtobus, cir ubılu arqasında, çoqırğa tägäri. Wäqalätlelär anda kimendä 60 keşeneñ buluın belderä. 9 keşeneñ üle gäwdäsen tapqannar. 30 yulçınıñ yuqqa çığuı citkerelä.
Yanğın sünderüçelär beldergänçä, hälakät ubılğan tufraqnıñ avtobusqa kilep bärelüe näticäsendä barlıqqa kilgän. Ul texniqanı çoqırğa taba êtkän.
Kosta-Rikada 14nçe sentyabr’dän birle köçle yawım-töşem xakimlek itä. Ul töbäktä cir şuışu häm taşqınnarğa kiterde. Däwlät başlığı Rodrigo Çaves il külämendä kişer sarısı tösendäge afät signalı birde. Ul, monnan tış, AQŞnıñ N’yu-York şähärendä uzuçı BMO ğomum şurası cıyılışına baruın kiçekterüen citkerde.