Paqıstannıñ Sind töbägendä mäktäplärneñ 40%ı cimerelgän
Biredä 5 meñ 619 mäktäp tulısınça cimerelgän bulsa, 12 meñ mäktäp zıyan kürgän
Paqıstandağı su basu arqasında Sind töbägendä mäktäplärneñ 40%ı cimerelgän.
Milli matbuğattağı xäbärlärgä qarağanda, biredä 5 meñ 619 mäktäp tulısınça cimerelgän bulsa, 12 meñ mäktäp zıyan kürgän.
Sindta mäktäplärneñ 40%ı cimerelgän, bu isä 16 meñnän artıq mäktäpne qullanıp bulmıy digän süz.
Şulay uq 2 meñ 500 dän artıq mäktäp yärdäm lager’ları itep üzgärtelgän.
Su basu säbäple êvakuaśiyälängän 65 meñnän artıq ğailä bu mäktäplärgä urnaştırılğan.
Räsmi zatlar däwlät mäktäplärenä yazılu 50%qa kimiyäçäk häm meñlägän bala belem aludan mäxrüm qalaçaq dip borçıla.
Wäqalätlelär su basudan zıyan kürgän rayonnarda lager’ mäktäpläre buldırırğa teli.
Paqıstanda 14 nçe iyün’nän birle däwam itkän musson yañğırları näticäsendä 1 meñ 396 keşe ğomeren yuğalttı.