Qurqınıç terrakt 35 keşeneñ ğomeren alıp kitte

Burkino-Fasoda qurqınıç terrakt 35 keşeneñ ğomeren alıp kitte.  

Xökümättän belderülärençä, başqala Vagaduguğa baruçı täêminat konvoyu yulğa quyılğan minağa êlägep şartlıy. Näticädä avtokolonnadağı 35 keşe ülä, 37se yaralana.

Kürşe däwlät Malidağı Äl-Kaida häm DEAŞ belän bäyle terrorçı törkemnär 2015nçe yıldan birle Burkino-Fasonıñ tön’yağında häm könçığışında höcüm oyıştıra.

Räsmi mäğ’lümatlarğa qarağanda, bu çorda bulğan höcümnärdä 2 meñ keşe hälaq bulğan. Şularnıñ 600e iminlek köçläre.