6 meñ yıldan soñ şartladı

İslandiyädäge yanartawda vulkanik xäräkätlelek küzätelde.

Meteorologiyä xezmäte başqala Reyk’yavikka 32 çaqrım yıraqlıqtağı Fagradal’sf’yall’ tawı yänäşäsendä şartlaw buluın belderde.  

Cirle matbuğattağı xäbärlärdä yazılğança, şartlaw bulğan mäydanda tufraqta barlıqqa kilgän yarıqlardan lava häm töten atıla.

Awraziyä häm Törn’yaq Amerika tektonik plitäläre arasında qalğan İslandiyädä cir teträwlär häm vulkanik xäräkätleleklär yış kürenä.

Mäsälän, Fagradals yanartawı uzğan yıl uyandı häm 6 meñ yıldan soñ lava ata başladı. Bu Reyk’yanes yarımutrawında 781 yıl tınıçlıqtan soñ bulğan berençe vulkanik şartlaw ide.

2010nçı yılda isä  Êyyaf’yatlayokudl’ yanartawı atuı näticäsendä 100 meñnän artıq oçqıç reysı ğamäldän çığarıldı, yözlägän keşe êvakuaśyälände.