"Ruslarnı utrawdan bez çığardıq"

Ukrainanıñ İlbaşı idaräse ofisı başlığı Andrey Yermak Rusiyä Saqlanu ministrlığınıñ Qara diñgezdäge Yılan utrawınnan üzixtıyari räweştä çigelüläre belän bäyle açıqlawınıñ yalğan buluın citkerde.

Yermak Telegramda açıqlaw yasap: “Yılan utrawında rus qalmadı. Ukraina qorallı köçläre iskitkeç operaŝiya oyıştırıp, alarnı utrawdan çığarıp cibärde,” – dide.

Ukrainanıñ Ğomüm ştab başlığı Valeriy Zalujnıy da Ukraina armiyaseneñ höcümnärenä qarşı tora almağan rus berlekläreneñ Yılan utrawınnan kitärgä mäcbğr qaluın belderde.

Ukraina qorallı köçläreneñ Kön’yaq berämlege monnan alda yasağan açıqlawında Ukraina armiyaseneñ uñışlı operaŝiyase näticäsendä ruslarnıñ ike köymägä utırıp, utrawdan kitüen beldergän ide.

Rusiyä Saqlanu ministrlığı da yaxşı niyät kürsätkeçe bularaq Yılan utrawında üzlärenä birelgän wazifanı tämamlauların häm biredäge xärbi berleklärne kire çigenderülären açıqlağan ide.