Tuğan köndä faciğa

İran başqalası Tährandağı ber kafeda tuğan kön kiçäsendä çıqqan yanğında 8 keşeneñ ğomere özelde.

İrannıñ xäbär agentlığı Tesnimğa kürä kiçke sägät’lärdä Şehriyar töbägendäge Mär’yäm rayonında ber kafeda oyıştırılğan tuğan kön kiçäse waqıtında şartlaw barlıqqa kilde, annarı yanğın çıqtı.

Tahran Qızılayı mödire Şahin Fätxi yanğında 8 keşeneñ yaqtı dön’yadan kitüen belderde, alardan 4ese – balalar.

Şehriyar prokuraturası isä kiçäneñ kafe podvalında oyıştırıluın, geliy tutırılğan ber şarnıñ şartlawın häm yana başlawın, ut yalqınnarınıñ tizlek belän cäyelüen açıqladı.

Açıqlawğa kürä keşelär kafe artında urnaşqan aş-su bülmäsenä qaçtı, läkin biredä tötennän ağulanıp ülgän.