Şaxta şartladı

Kolumbiyädä şaxtada bulğan şartlawda 1 keşe ülde, 14 êşçe isä cir astında çığa almıyça qaldı.

Cirle matbuğattağı xäbärlärgä qarağanda, waqıyğa Santander idarä töbägenä bäyle Êl Zuliya şähärçegendä qanunsız räweştä êşläwçe kümer şaxtasında bula.

Milli şaxtaçılıq agentlığınnan belderülärençä, ğadättän tış xäl törkemnäre çığa almıyça qaluçılarnı êzläw-qotqaru êşçänlegen tiz arada başlıy, tik 1 keşeneñ ğomere özelä. Yuqqa çıqqan 14 êşçe yanına barıp citü öçen berniçä kön kiräk bulırğa mömkin.

Kolumbiyädä qanunsız şaxtalarda iminlek çaraları citmäw häm kontrol’ bulmaw säbäple ülemgä kiterüçe hälakätlär yış oçrıy. İldä 2010nçı yılda kümer şaxtasında bulğan şartlawda 73 keşe ülgän ide. Bu Kolumbiyä tarixında iñ faciğale hälakät bularaq terkälde.