Gebreisus qabat saylandı

Bötendönya sälamätlek saqlaw Ğomum direktorı doktor Tedros Adanom Gebreisus wazıyfasına ikençe tapqır saylandı

1832288
Gebreisus qabat saylandı

Berläşkän Millätlär Oyışmasınıñ Jeneva ofisında oyıştırılğan 75nçe Bötendönya sälamätlek saqlaw assambleyasında Ğomum şura yaña ğomum direktornı saylaw öçen maxsus cıyılış ütkärde.

Cıyılışta Gebreisustan tış başqa namzät bulmağanı öçen Ğomum şura Gebreisusnı ikençe tapqır Ğomum direktor bulıp sayladı.

Ant itü çığışında Gebreisus, Bötendönya sälamätlek saqlaw oyışmasınıñ böten töbäkläreneñ üzen namzät itep bilgeläwdän ğorurlanuın citkerep, direktor wazıyfasın başqarğan çaqta keşelekkä xezmät itü yulında tığız itep êşläwçe Bötendönya sälamätlek saqlaw oyışmasınıñ böten personalına räxmäten belderde.

Gebreisus, berençe çor wazıyfası waqıtında dönyanı çolğap alğan yaña tör koronavirusnı (“Kovid-19”nı) "moñarçı kürenmägän" kizü bularaq bäyäläp: "Diñgezdä säyäxät itkän çaqta köymäbezne tözegän şuşı barışta bik kip sabaq aldıq häm sabaq alğan çaqta ğamälgä kerttek,” – dip äytte.

Bu barışta Bötendönya sälamätlek saqlaw oyışmasınıñ iniśativası belän Kön’yaq Afrikada tözelgän mRNA vakśinasın êşläp çığaru üzäge häm Hindstanda qorılğan Xalıqara tradiśion mediśina üzägeneñ kizü çorında alınğan sabaqlarnıñ ber öleşe buluına basım yasawçı Gebreisus:

"Monnan soñğı kizülär belän köräş alıp bara aluıbız öçen Bötendönya sälamätlek saqlaw oyışmasınıñ östenlek birgän mäs’äläläre bulğan sälamätlek saqlaw sistemalarınıñ küätländerelüe, xalıqara mediśina straxovkası proyıktı häm ğadättän tış xälgä äzerlek planınıñ tormışqa aşırıluı zarur,” – dip belderde.

75nçe Bötendönya sälamätlek saqlaw assambleyası 28nçe mayda üz êşen tögälläyäçäk.



Bäyläneşle xäbärlär